Бүгін Мемлекет басшысы Қасым-Жомарт Тоқаев Парламент палаталарының бірлескен отырысында «Әділетті Қазақстанның экономикалық бағдары» атты Қазақстан халқына кезекті Жолдауын жариялады.
Ел Президенті Жолдауда - еліміздегі әлеуметтік, экономикалық және қоғамдық өмірдің барлық салаларына қатысты мәселелерді көтеріп, саяси жүйені жаңғырту бойынша батыл да ауқымды бастамаларды атап өтті.
Жалпы, Мемлекет басшысының Жолдауда жасаған мәлімдемесі, мемлекеттік билікке берген тапсырмаларының іс жүзінде шынайы орындалуы, еліміздің жандануына, жаңаша дамуына жол ашары сөзсіз.
Жиынға Мәжіліс және Сенат депутаттары, орталық мемлекеттік органдардың басшылары, Ұлттық құрылтай, Адам құқықтары жөніндегі комиссия, Әйелдер істері және отбасылық-демографиялық саясат жөніндегі ұлттық комиссия мүшелері, қоғам мен еңбек ұжымдарының өкілдері қатысты.
Бүгін еліміздің ең басты мерекелерінің бірі — Конституция күні!
Конституция — ол еліміздегі тұрақтылық пен өркендеудің сенімді іргетасы, әрбір қазақстандықтың құқығы мен еркіндігінің кепілі.
Барша қазақстандықтардың отбасына береке, ырыс пен ынтымақ тілейміз! Ел іргесі аман, келешегіміз кемел болсын!
Мереке құтты болсын!
"Қазқайтажаңарту" РМК мемлекеттік тапсырма аясында, Қожа Ахмет Яссауи кесенесінің кешенді ғылыми-зерттеу жұмыстарын жүзеге асыруда, кесенедегі Қазандық бөлмесінің сәндік күмбезінің (сталактиттердің) техникалық жай-күйін зерттеу үшін шетелдік сарапшыларды тарту міндеті қойылды.
Осыған орай, тарихи сәулет ескерткіштерін қалпына келтіру және сталактит конструкциялары бойынша тәжірибесі бар мамандар іздестіріліп, келіссөздерден кейін Түркістан қаласына Иран мен Өзбекстаннан ғылыми сарапшылар мен шеберлерді шақыру туралы шешім қабылданды, өйткені бұл елдерде сол кезеңдегі ескерткіштер бар.
Өткен аптада шақырылған ғылыми сарапшылар Түркістан қаласына келді.
Өз кезегінде, отандық білікті мамандар мен Ираннан, Өзбекстаннан шақырылған мамандардан тұратын жұмыс тобы кесенені аралау барысында Қазандық бөлмесіндегі күмбездің және күмбезаралық кеңістігіне жету қиын жерлерді толыққанды тексеру үшін арнайы жарықтандырғыш аспаптармен өлшеп, тексерді.
Одан әрі, мониторинг-орталықтың базасында жұмыс тобы кесененің қазіргі техникалық жай-күйін шешу жолдарын талқылады. Сапар аяқталғаннан кейін, Иран мен Өзбекстаннан келген сарапшылар белгіленген уақытта ұсынымдық қорытынды береді.
Қазақстан Республикасы Мәдениет және спорт министрлігі Мәдениет комитетінің келісімімен, Қазақстан Республикасы Мәдениет және спорт министрлігі Мәдениет Комитетінің «Қазқайтажаңарту» шаруашылық жүргізу құқығындағы республикалық мемлекеттік кәсіпорыны бас директорының бұйрығымен, Байсалбаев Бауыржан Мұратұлы «Қазқайтажаңарту» шаруашылық жүргізу құқығындағы республикалық мемлекеттік кәсіпорнының Ғылыми-зерттеу және жобалау филиалының директоры лауазымына тағайындалды.
Құрметті Бауыржан Мұратұлы!
Жаңа қызметіңізге толайым табыс пен сәттілік тілейміз!
Өткен аптада Кәсіпорынның бас директоры кезекті іссапармен Атырау облысы Махамбет ауданында Сарайшық қалашығындағы салынып жатқан және археология мамандарымен қазылып жатқан нысандарда болып қайтты. Болашақ Сарайшық қалашығының даму жоспарымен және қорғау аймағымен егжей-тегжейлі танысты.
Тиісті мамандармен ақылдаса келе, Сарайшық қалашығында болашақта салынатын нысандар мен реставрациялық жұмыстарының барысын нақтылады.
Құрметті құрылыс саласының қызметкерлері!
Құрметті әріптестер!
Сіздерді “Қазқайтажаңарту” РМК ұжымы кәсіби мерекелеріңіз - Құрылысшы күнімен құттықтайды!
Әр мамандықтың қоғамда алатын өзіндік орны, мәртебесі бар. Сондай мәртебелі мамандықтардың бірі құрылысшы мамандығы екендігі баршамызға аян. Құрылысшы — адамзат өркениетiнiң бастауында тұрған мамандық.
Бүгінгідей әсем де көрікті, түрлі заманауи нысандардың бой түзеуі – құрылысшылар легінің мезгілдің ыстық-суығын елемей атқарған игі істерінің жемісі.
Осындай жауапты мамандықты меңгеріп, ел игілігі жолында талмай еңбек етіп жатқан Сіздерге бүгінгідей мерейлі сәтте дендеріңізге саулық, отбасыларыңызға ортаймас бақ пен ырыс тілейміз!
Қажырлы еңбектеріңіз әрқашан табысты болсын!
Ізгі ниетпен, «Қазқайтажаңарту» РМК ұжымы.
Бүгін 10 тамыз - Абай күні.
Абай Құнанбайұлы ғұлама ғалым, ойшыл ақын, ағартушы ұстаз ретінде ұлтымыздың тұғыры , биік мақтанышы.
Абайдың шығармашылығы әлемдік туындылар қатарында орын алған халқымыздың баға жетпес мұрасы мен рухани азығы. Жас толқын үшін Абайдың өсиеттері мен өнері асыл қазына.
Абай күні –ұлттық құндылығымыздың , рухани болмысымыздың жаңғыру күні.
Мереке құтты болсын!
Екі елдің Президенттерінің келісіміне сәйкес, Түрікменстан Республикасының астанасы Ашғабат қаласында ұлы ақынымыз Абай Құнанбаевтың ескерткішінің салынуы жоспарлануда.
Осыған орай, ескерткіштің құрылысын жүргізу және жер телімінің мәселелерін шешу үшін ҚР Мәдениет және спорт министрлігінің Мәдениет комитеті Тарихи-мәдени мұра басқармасының басшысы Жанат Сеидалиева, Кәсіпорынның бас директоры Махаббат Бигельдиев және сәулетші Юрий Кузьмин Ашғабат қаласына іссапармен барды.
Осыған орай, түрікмен тарапымен Ашғабат қаласын аралап, ұлы ақынымыз Абай Құнанбаевтың ескерткішінің салынатын және құрылысы жүргізілетін алдын - ала болжамдалған жер телімдерінің нұсқаларымен танысып, аралап қайтты. Құрылыс жұмыстарына қатысты іс - шаралар жоспарланып, пысықталынды.
Сонымен қатар, Түрікменстан Республикасының Мәдениет министрлігінің мамандарымен кездесіп, Түрікменстан Республикасының халық суретшісі, мүсіншісі Сарагт Бабаевпен жүздесті.
Кездесуде суретшінің еңбектеріне шолу жасап, шығармашылық тыныс-тіршілігімен танысып қайтты. Түркіменстан Республикасының Ұлттық музейіне барып, тағылымды мәдени мұраларын аралап, түрікмен халқының тарихының, өнерінің және жетістіктерінің куәсі болды.
Страница 5 из 36