1.Қожа Ахмет Ясауи кесенесі, XIV ғасырдың соңы

1.Кітапхананың желдетілетін жабыны бойынша жұмыстарды жалғастыру
2.Үлкен Ақсарай төбесінің үстінен уақытша шатыр орнату бойынша жұмыстарды жалғастыру

2.Рәбия Сұлтан Бегім кесенесі, XI ғасыр
1.Шатыр кемеріне өндірістік саты орнату(жұмысты жалғастыру)

3."Тақия қақпа" XVII-XVIII ғғ.
1.Қабырғаларды қалау

4."Жеті ата қақпа" XVII-XVIII ғғ.
1. Мұнара іздерін анықтау бойынша археологиялық жұмыстарды жалғастыру
2. Қабырғаларды сылау
3. Қабырғаның жоғарғы бөлігін жабу

5."Сауран" археологиялық-сәулет кешені XIII-XVI-XVIII ғғ.
1.Ағаш блоктарды байланыс үшін орнату
2. Ағаш арқалықтардың бекіністерімен қабырға қалау
3.Шикі кірпішті дайындау бойынша жұмыстар. 40х20х 8 см
(ежелгі үлгідегі)

6."Ақыртас" сәулет-археологиялық кешені VIII-XII ғғ.
-Нысан бойынша барлық ғылыми - реставрациялық жұмыстар аяқталды.

7."Мірәлі баба" кесенесі, XIX ғасырдың соңы
1.Сегізқырлы қабырғаны қалау жұмыстарын жалғастыру
2.Күмбездің қалпына келтірілгенге дейінгі ішкі беті
3.Бөлме ішінде сатыларды орнату. Күмбездегі кірпіштің бетін тұз және кірден тазарту.
4.Күмбездің ішкі бетінің тігістерін түйістіру (жұмысты жалғастыру)
5.Порталдың солтүстік жағындағы кірпішті қалпына келтіру
6.Портал шатырына тұтастырғыш орнату

8.Сырымбет үй- жайы (Уәлихановтардың үй- жайы) XIX ғасыр
1. Жұмыс басталғанға дейінгі жағдайы
2. Қасбетті тазалау

9.Абай Құнанбайұлы тұрған үй (Анияр Молдабаевтың үйі), қазіргі – "Алаш арыстары-М.Әуезов" музейі, сәулетші белгісіз, XIX ғасырдың соңы
1. Жұмыс басталғанға дейінгі жағдайы
2. Сылақ торын монтаждау
3.Құрылыс сатыларын орнату
4.Қасбеттің астыңғы бөлігін сылау
5. Қабырғаларды оқшаулау

Қарағанды облысындағы сапар барысында “Қазқайтажаңарту” РМК бас директоры Махаббат Бигельдиев бірқатар тарихи нысандарды аралап көрді.

Ең алдымен, Лабақ кесенесінің ішкі-сыртқы жағдайымен толықтай танысып өтті. Нысанмен танысу барысында, биылғы жылы атқарылатын жұмыстарды белгілеп, сәйкесінше, жауапты мекемелерге нақты тапсырмалар берді.

Келесі кезекте, Кетебай кесенесі мен Домбауыл салт-жоралғы құрылысын аралау барысында, аталған нысандарды алдағы уақытта сақтап қалу және ғылыми-реставрациялау бағытындағы жүргізілетін жұмыстардың жоспарына енгізу туралы мәселелерді айтып өтті.

Кездесуге “Қазқайтажаңарту” РМК  қарасты Қызылорда филиалының басшысы Нұрболат Мұратбеков және мердігер мекеменің өкілі қатысты.

Екі күнге жалғасқан “Инком” ЖШС оқу орталығында, ҚР Мәдениет және спорт министрінің 2021 жылғы 4 ақпандағы N28 бұйрығына сәйкес, “Тарих және мәдениет ескерткіштеріндегі ғылыми- реставрациялық жұмыстардың орындалуын бағалау нормативтерін бекіту” заңнамасындағы жаңадан енгізіліп жатқан сметалық бағдарламаны түсіндіру бойынша “Қазқайтажаңарту” РМК бас ғимаратының және өңірдегі филиалдардың өндірістік - техникалық бөлімінің мамандары дәріс сабақтарын алуда.

ҚР Мәдениет және спорт вице-министрі Нұрғиса Дәуешов Оғланды жерінде орналасқан “Бекет Ата” жерасты және "Шопан ата" мешіттерінің былтырғы жылы атқарылған жұмыстарымен танысып қайтты.
Іссапар барысындағы жиынға "Қазқайтажаңарту" РМК бас директоры Махаббат Бигельдиев, Маңғыстау облысы әкімінің орынбасары Гүлмира Қалмұратова, Маңғыстау облыстық мәдениет, тілдерді дамыту және архивтер басқармасының басшысы Пәния Сармурзина, “Маңғыстауреставрация” мекемесінің директоры Құралбай Озғанбаев қатысты.
Сәйкесінше, алдағы уақытқа жоспарлар құрылып, атқарылатын жұмыстар нақтыланды. Сонымен қатар, Маңғыстау өлкесінде орналасқан басқа да республикалық маңызы бар тарих және мәдениет ескерткіштерінің бүгінгі жағдайы туралы әңгімелер қозғалып, нысандарды сақтап қалу және ғылыми-реставрациялау жұмыстарын өткізу бойынша келер жылға жоспарлар талқыланды.

Екі күнге созылған жұмыс сапары аясында, Солтүстік Қазақстан облысында орналасқан “Сырымбет үй-жайының” ағымдағы жағдайын көріп қайтты. 

“Қазқайтажаңарту” РМК бас директорының  өндірістік істері жөніндегі орынбасары Исабек Нұрмағамбетовтың, өндіріс- техникалық бөлімінің мамандарының, Ғылыми -зерттеу және  жобалау филиалының басшысы Айдын Айманбековтың қатысуымен нысандағы туындаған бірқатар мәселелердің шешу жолдары қарастырылды.

Бүгін ҚР Мәдениет және спорт министрі Ақтоты Райымқұлованың қатысуымен, Мәдениет және өнер қызметкерлерінің күніне орай, Абай атындағы Қазақ Ұлттық академиялық опера және балет театрында, ҚР Мәдениет және спорт министрлігінің ведомстволық бағынысты ұйымдарының, мәдениет және өнер қызметкерлерін марапаттау салтанатты жиыны өтті.
Ақтоты Рахметоллақызы жиында барлық мәдениет және өнер қызметкерлерін айтулы мерекемен құттықтап, марапаттау рәсімі барысында “Қазқайтажаңарту” РМК қызметкерлеріне де төсбелгілер мен алғыс хаттарды табыс етті.

ҚР Мәдениет және спорт министрлігінің “Мәдениет саласының үздігі” төсбелгісімен марапатталды :

1. Кенжебаев Өмірәлі

ҚР Мәдениет және спорт министрлігінің Құрмет грамоталары және Алғыс хаттарымен марапатталды:

1. Досбергенов Кумушбек
2. Касенеев Саламат Еркинович
3. Ахметова Гулзат
4. Қозыкенов Құралбек

Құтты болсын!💐💐💐

Бүгін кезекті жұмыс сапарымен “Қазқайтажаңарту” РМК бас директорының өндірістік істері жөніндегі орынбасары Исабек Нұрмағамбетов, өндіріс- техникалық бөлімінің мамандары, Ғылыми - зерттеу және жобалау филиалының басшысы Айдын Айманбеков, Ақмола облысы, Көкшетау қаласындағы «В.В. Куйбышев мұражай-үйінің» ағымдағы жағдайымен танысты.

Кездесу барысында алдағы уақытта жасалынуы тиіс шаруалар бойынша жұмыстар белгіленіп, жоспарлар нақтыланды.