Рим философы Луций Анней Сенека «Ғасыр жаса, ғасыр бойы үйрен» демекші, «Қазқайтажаңарту» кәсіпорны мамандары әрқашан білімдерін жетілдіруге талпынып, шетел мамандарымен тәжірибе амасуға ұмтылады. Сондай мамандардың бірі «Қазқайтажаңарту» кәсіпорны Ғылыми зерттеу және жобалау филиалының бас арxитекторы Бейсембаева Ляззат 2018 жылдың 11-24 қараша аралығында Қытай Халық Республикасы, Сиан қаласында өтіп жатқан мәдени мұраны басқару бойынша Халықаралық оқу курсына қатысуда. Оқу курсын Қытайдың IICC-X-ИКОМОС ұйымдастырды.
Оқу курсы мәдени мұраларды басқару концепциясы мен практикалық тәжірибелерді жылжытуға негізделген және сақтау, ұсыну, мониторинг және қолдану сияқты салаларды қамтиды.

Ағымдағы жылдың 9-13 қараша аралығында Өзбекстан Республикасының Ташкент және Хива қалаларында біліктілік арттыру мен тәжірибе алмасуға бағытталған "Кәсіби реставраторлардың консервациялау, реставрациялау, қалпына келтіру жұмыстары" атты xалықаралық ғылыми практикалық семинары өтуде. Оған Қазақстан Республикасы атынан «Қазқайтажаңарту» РМК бас директорының орынбасары Токмагамбетов Еркебулат пен Батыс Қазақстан филиалының директоры Өмірзақ Еркебұлан қатысуда. Семинарда мамандарымыз кәсіпорынның қайта қалпына келтіру жұмыстарының ерекшеліктері туралы баяндама жасады.

12-13 қараша күндеріне семинар қатысушыларына Хива қаласындағы «Әмір-Тұр» медресесі мен «Күшбегі» мешітінде жасалған қалпына келтіру жұмыстарын көрсету жоспарланған.

v

«Қазқайтажаңарту» РМК Түркістан филиалы керамикалық цехта ескі үлгідегі қышты жасау үдерісін жетілдіру мақсатында табиғи газ жүйесіне жалғанды.
Түркістан филиалының директоры Нурманов Жұмахан «Makskeramika» кәсіпорнымен тәжірибе алмасу мақсатында кездесу ұйымдастырып, 2018 жылдың 27 қазанында Өзбекстан Республикасына іссапарға барды. Керамика және отқа төзімді заттардың химиялық технологиясы бойынша технолог-инженер, техника ғылымдарының кандидаты, «Makskeramika» кәсіпорнының директоры М.Т. Махсудова Түркістан филиалы мамандарына қыш жасауға арналған керамикалық балшықтың құрамы туралы кеңес беріп, табиғи газбен істейтін қыш күйдіру пеш құрылысын көрсетіп, таныстырды.
«Makskeramika» кәсіпорны ескі үлгідегі қыштарды газбен күйдіру технологиясын көп жылдар бойы сәтті қолдануда. Кездесуден жиналған тәжірибе нәтижесінде пешті Түркістан филиалында орнату бастамасында керамикалық цех табиғи газ жүйесіне жалғанды. Келешекте «Makskeramika» кәсіпорнымен пештің сызбасын беру, пешті соғу барысын қадағалау, газбен қыш күйдіру технологиясы, режимі, температурасы бойынша жазбаша кесте беру міндеті көзделген келісім шарт жасасу жоспарлануда.

«Қазқайтажаңарту» РМК 15-31 қазан аралығында атқарған жұмыстары. Сауран қалашығында әртүрлі құрылыс кезеңдеріне жататын бекініс қабырғаларын музейлендіру жұмыстары жүргізілді.

«Қазқайтажаңарту» РМК 15-31 қазан аралығында атқарған жұмыстары. Күлтөбе қалашығында қабырғалардың апаттық бөліктері және бекініс қабырғаларының жоғалған бөліктері қайта қалпына келтірілді.

«Қазқайтажаңарту» РМК 15-31 қазан аралығында атқарған жұмыстары. Тараз қалашығында 1-4 кварталдарда тас қалау жұмыстары жүргізіліп, 1-2 кварталдарда туристтерге арналған жалғыз аяқ жол орнатылды. Қазіргі уақытта қайта қалпына келтіру жұмыстары аяқталды.

«Қазқайтажаңарту» РМК 15-31 қазан аралығында атқарған жұмыстары. Аппақ Ишан кесенесінде бөлмелердің ағаш есіктері жаңартылып, қайта орнатылды. Қазіргі уақытта күмбездерді әрлеу қыштарымен қаптау жұмыстары жалғасуда.

«Қазқайтажаңарту» РМК 15-31 қазан аралығында атқарған жұмыстары. Басқамыр қалашығында (IX–XIIғғ.) жалғыз аяқ жолдар қайта қалпына келтірілді. Ескерткіштің сол жақ мұнара қабырғалары кірпішпен қаланып, саз балшықмен сыланды. Қазіргі уақытта ішкі қабырғаларды көтеру жұмыстары жалғасуда.