Құттықтаймыз!

Бүгін Кәсіпорнымыздың бас директоры Бигельдиев Махаббат Садуақасұлына «Алматы облысының Құрметті азаматы» атағы берілді. Игі қуанышыңызға шын көңілмен ортақпыз!

Марапатыңыз құтты болсын!

Ізгі ниетпен, “Қазқайтажаңарту” РМК ұжымы💐💐💐

11-13 қазан аралығында Қазақстан Республикасы Мәдениет және ақпарат министрлігінің ұйымдастыруымен «Жібек жолы: Ферғана –Сырдария дәлізі" тақырыбында Жібек жолы номинациясының құжаттамасын дайындау жөніндегі жұмыс тобы, Қазақстан, Қырғызстан, Тәжікстан, Өзбекстан елдерінің сарапшылары ЮНЕСКО-ның алдын-ала тізіміне енген тарихи мұра объектілерінің жай-күйі туралы сараптау, талқылау мақсатында есепті әзірлеу үшін Түркістан қаласында бірлескен кеңес өткізілуде.

Үш күнге созылған жиында, ең алдымен қатысушы жұмыс тобы өкілдері және өзге мемлекеттерден келген сарапшылар ақылдасу жұмыстарын жүргізді. Артынша «Қазқайтажаңарту» кәсіпорын мамандарының және музей-қорық басшылықтарының сүйемелдеуімен  Отырар, Күлтөбе, Сауран, Сығанақ және Жанкент қалашықтарын аралады. Тарихи-мәдени ескерткіштердің бүгінгі жай-күйімен толықтай  танысып шықты.

Жиынға Ферғана –Сырдария дәлізі (Қазақстан, Қырғызстан, Тәжікстан, Өзбекстан) және Дүниежүзілік мұра объектілерінің жай-күйі туралы бірлескен есепті әзірлеу үшін тағайындалған ұлттық сарапшылар, сондай-ақ қатысушы елдердің мәдениет министрліктерінің, Алматыдағы ЮНЕСКО Кластерлік бюросының өкілдері және музей-қорықтардың басшылығы қатысты.

Бүгін Қызылорда қаласында «Қазақстанның материалдық мәдениет ескерткіштерінің жай-күйін, оның ішінде табиғи-климаттық жағдайлардың әсерін мониторингілеу» бойынша ғылыми-практикалық семинары өтті.

Семинардың басты мақсаты тарих және мәдениет ескерткіштерінің тарихи құндылығын және экологиялық өзгерістерге төзімділігін сақтау үшін олардың жай-күйіне мониторинг жүргізу тәртібімен, әдістерімен және техникалық қамтамасыз етумен таныстыру болып табылады.

Жиында Мәдениет комитетінің Тарихи-мәдени мұра басқармасының басшысы Жанат Сеидалиева кіріспе сөз сөйлеп, қатысушыларға сәттілік тіледі.

Күн тәртібіндегі мәселелер бойынша мамандар кезегімен баяндама жасады. Сәйкесінше,тарихи-мәдени мұра объектілерін сақтауда өзекті мәселелерге тоқталып, өздерінің ойларымен бөлісті. 

 

Жиынға Министрліктің өкілі, Ғылыми- зерттеу және жобалау филиалының мамандары, Қостанай, Абай, Түркістан, Ақтөбе, Жетісу облысы әкімдіктерінің басшылығы және Астана қаласы әкімдігінің мұражай бірлестігінің мамандары қатысты.

Мәліметтер базасын құру.
Қожа Ахмет Яссауи кесенесінің мұрағаттық материалдарын сканерлеу жұмыстарының барысы.

Кәсіпорынның бас директоры Махаббат Бигельдиев Алматы облысының орталығы Қонаев қаласының төрінде, қазақтың көрнекті жазушы-журналисі Сейдахмет Бердіқұловтың 90 жасқа толуына орай ұйымдастырылған «Ар-намыстан жаралған қайраткер тұлға» атты ғылыми-тәжірибелік конференциясына қатысып қайтты.
Конференцияда жазушының өмірі мен шығармашылығы жайлы баяндалып, мерекелік концертпен жалғасын тапты.

Бүгін «Қазқайтажаңарту» кәсіпорнында Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» Жолдауын насихаттау бойынша ұжымның кездесуі өтті.
Жиында «Қазқайтажаңарту» РМК бас директоры Махаббат Бигельдиев сөз бастап, Президент Жолдауда айтқан басым бағыттарға жіті тоқталып, ұжыммен жан-жақты талқылады.
Жолдаудың өзектілігі мен қазіргі таңдағы көптеген маңызды мәселелерді шешуде бағдар беретін бағдарлама екеніне баса назар аударып, ұжымды Жолдауды іске асыруда белсенділік танытуға шақырды.

Бүгін Эр-Рияд қаласында (Сауд Арабиясы Корольдігі) Дүниежүзілік мұра комитетінің 45-ші кеңейтілген сессиясы өтуде. Дүниежүзілік мұра объектісі тізіміндегі Қожа Ахмет Ясауи кесенесі айналасындағы құрылыстың кесененің сақталуына әсері туралы есептер тыңдалатын сессияға қазақстандық делегация атынан ҚР Мәдениет және ақпарат министрлігінің Мәдениет комитетінің төрағасы Сеитова Күміс Қарсақбайқызы, “Қазқайтажаңарту” РМК бас директорының өндірістік істері жөніндегі орынбасары Исабек Нұрмағамбетов және Ғылыми-зерттеу филиалының маманы Ляззат Бейсембаева қатысуда.

Қазақстандық делегация атынан ҚР Мәдениет және ақпарат министрлігі Мәдениет комитетінің төрағасы Сеитова Күміс Қарсақбайқызы кіріспе сөз сөйлеп, сессия қатысушыларына сәттілік тіледі.

   

Қазқайтажаңарту” РМК ұжымы атынан ҚР Мәдениет және спорт министрлігін 2023 жылдың қаңтар айынан бүгінгі күнге дейін абыроймен басқарған Оралов Асхат Раздықұлына алғысымызды білдіреміз.

Асхат Раздықұлының алдағы қызметіне табыс, отбасына береке, зор денсаулық тілейміз.

2023 жылдың қыркүйек айында Аида Ғалымқызы Балаева Президент Қасым-Жомарт Кемелұлы Тоқаевтың Жарлығымен ҚР Мәдениет және ақпарат министрі болып тағайындалды.

Құрметті Аида Ғалымқызы!

Жаңа лауазымыңыз құтты болсын!
Игі істеріңіздің қашанда оңға басуына, әр қадамыңыздың қарымды болуына, республикамыздың мәдениет саласын дамыту бойынша маңызды міндеттерді табысты жүзеге асыруға, ел - қоғам алдында абыройыңыздың арта беруіне тілектестік білдіреміз!