«Қазқайтажаңарту» кәсіпорынның бас директорының жалпы мәселелер жөніндегі орынбасары Алмас Әбдібаевтың қатысуымен, «Таңбалы» музей-қорығының ғылыми қызметкерлері, жоба авторы және кәсіпорынның жауапты мамандары бірлесе отырып, музей - қорықта абаттандыру және қайта қалпына келтіру жұмыстарын бастады.

"Қазқайтажаңарту" кәсіпорны үйлестіруші болып табылатын ғылыми-консультативтік кеңестің кезекті отырысы өтті. Кәсіпорынның бас директорының өндірістік істері жөніндегі орынбасары Исабек Нұрмағамбетовтың басқаруымен өткен бұл жиын, консультативтік кеңес тобының мүшелерімен Қожа Ахмед Ясауи кесенесінің бірқатар проблемалық мәселелері көтеріліп, егжей-тегжейлі пысықталды.
Басқосуда айтылған топ мүшелерінің ақыл-кеңестері, тәжірибелері Кесенедегі кешенді зерттеу жұмыстарын жетілдіруге және нақты мәселелерді шешуге бағытталған.

Кәсіпорынның бас директоры жұмыс сапарымен Қызылорда облысындағы бірқатар нысандарды аралады.
Кәсіпорынның биылғы өндірістік кестесіне сәйкес, Көтібар мұнарасы мен Молқалан кесенесінде ғылыми-реставрациялық жұмыстары жүргізілуде.
Қызылорда филиалының директоры Жанболат Талғатұлы нысандардағы қайта қалпына келтіру жұмыстарының барысымен толықтай таныстырды. Сәйкесінше, алдағы уақытта жасалынуы тиіс шаруалар бойынша пысықтау жұмыстары жүргізілді.

Қазақстан Республикасы Мәдениет және спорт министрлігі Мәдениет комитетінің келісімімен, Қазақстан Республикасы Мәдениет және спорт министрлігінің Мәдениет Комитетінің «Қазқайтажаңарту» шаруашылық жүргізу құқығындағы республикалық мемлекеттік кәсіпорыны бас директорының бұйрығымен, Қалиақбаров Жанболат Талғатұлы Қызылорда филиалының директоры лауазымына тағайындалды.

Құрметті Жанболат Талғатұлы!

Жаңа қызметіңізге абырой, еліміздегі тарихи-мәдени мұраларды сақтауға бағытталған ірі де іргелі істеріңізге толағай табыс тілейміз!

Кәсіпорынның бас директоры Махаббат Бигельдиев кезекті іссапармен Жетісу облысының орталығы Талдықорған қаласында Жетісу облысының әкімі Бейбіт Өксікбайұлының қабылдауында болып қайтты.
Кездесуде Шоқан Уәлиханов атындағы мемориалды музей-паркінде биылғы жасалынатын реставрациялық құрылыс жұмыстарының барысы талқыланды.
Кешеннің макет үлгісі мен жобалық эскизі егжей – тегжейлі таныстырылды. Көптеген келелі проблемалық мәселелердің шешімі табылып, Облыс әкімі “Қазқайтажаңарту” мекемесінің музейдегі жасалынатын реставрациялық жұмыстарына сәттілік тіледі.

Сарайшық – Ұлық ұлыстың астанасы дәрежесіне жеткен қала. Ортағасырлық деректерге сүйенсек, Сарайшықта Берке хан, Тоқты хан мұсылмандықты қабылдады. Жәнібек хан, Бердібек хан таққа отырды, ел басқарды. Сарай-Бату тарихын зерттеуші ғалым Е.Пигарев 12-ші 13 ғасыр, жылдары Еділ-Жайық аралығында астана деңгейіне жеткен екі қаланы – Сарай ал-Махрус пен Сарайшықты көрсетеді. Ал өзіміз бұрыннан аңыз қылып айтатын Жәнібек хан тарихы да Сарайшықпен байланыстырылады. «Аққу көлі» мен «Алтын қайық» туралы аңыздар астарында үлкен тарих бар.

Президент Қасым-Жомарт Тоқаев Сарайшықтың маңыздылығы мен танымалдығын арттыру үшін заманауи туризм инфрақұрылымы қажет екенін айтып өткен болатын.

Бүгінгі таңда Мәдениет және спорт министрлігі Ежелгі қалашық пен оның аумағындағы тарихи нысандарды қалпына келтіру және сақтау бойынша ғылыми негізде тұжырымдама әзірлеуде.
Осы тұрғыда Кәсіпорын ағымдағы жылы Сарайшық қалашығында ғылыми-реставрациялық жұмыстарын жүргізуді жоспарлауда.

       

Онлайн платформа арқылы қосылған бұл жиында, ҚР Мәдениет және спорт министрлігі Тарихи-мәдени мұра басқармасының басшысы Жанат Сейдалиева сөз бастап, одан әрі Кәсіпорынның бас директоры Махаббат Бигельдиев орындалатын ғылыми- реставрациялық жұмыстардың ретін таныстырып, тың жоспарларымен бөлісті.

Бұдан өзге жиынға Ә. Марғұлан атындағы Археология институтының мамандары, тарих және мәдениет ескерткіштерін қорғау Бүкілресейлік қоғамының Астрахань бөлімшесінің маманы, Сарайшық музей қорығының басшылығы, Атырау облыстық әкімдігінің қызметкерлері,
жоба архитекторы, археолог мамандар қатысты.

Күреңбел өңіріндегі Шоқан Уәлиханов атындағы «Алтынемел» мемориалды музейі жаңарып, Шоқан ескерткіші мен кесенесіне күрделі жөндеу мен реставрация жүргізіледі, - деп хабарлайды Жетісу облысы әкімінің баспасөз қызметі.

Кербұлақ ауданына барған жұмыс сапары барысында облыс әкімі Бейбіт Исабаев нысандардағы жөндеу жұмыстарының қалай жүргізілетіні жөнінде талқылады. Осыған орай, “Қазқайтажаңарту” РМК бас директорының жалпы мәселелер жөніндегі орынбасары Алмас Әбдібаев нысандағы биылғы жылға жоспарланған ғылыми-реставрациялық жұмыстардың бағытымен таныстырып өтті.
Музейдің іші заман талабына сай өзгертіліп, кешен жан-жақты жаңғыртылады деп жоспарлануда.

Уәлихановтың мемориалдық кешені, 1985 ж. Алтынемел баурайында ұлы ғалымның туғанына 150 жыл толу құрметіне ашылды. Мемориалдық кешен ғалымның бейітіне қойылған құлпытастан, ескерткіштен, музейден, қонақүйден және хауызды алаңнан тұрады. Басты ғимарат — Ш.Уәлихановтың ғылыми-шығармашылық мұрасын бейнелейтін музей үйі. Музей үйінің сыртқы пішіні қазақ халқының мемориалды архитекторның дәстүрінен ("төрт құлақ") туындаса, ішкі кеңістігі киіз үйді, жолаушының шатырын елестетеді. Интерьердің негізінен үш түсті — еденнің қара, қабырғаларының қызыл, төбесінің шымқай ақ болуы дәстүрлі көркемөнер мәдениетіндегі үшкіл әлем символын білдіреді. Үйдің едені бұрандалы түрде бірте-бірте биіктеп, екінші қабатқа көтерілуге мүмкіндік жасайды. Орталық зал (ауданы 18x18 м) бұрыштарынан бастап ортасына қарай еңіс диагоналды арқалықтармен жабылған.30 орындық кинозал мен келушілерге қызмет көрсететін жайлар бөлек орналасқан. Қонақүйдің (30 орынды) әсем интерьері музейдің композицияның құрылымын сақтай отырып, жалпы ансамбльдің ішкі, сыртқы түтастығымен ұласып кетеді.